Su Comunu de Gùspini, alleau de su Comunu de Seddori in su progetu "Sighidura Terras de Marmilla, Linas e Campidanu”, fait isciri a is tzitadinas e a is tzitadinus chi funt abertas is iscritzionis a su Cursu de Língua Sarda de 1° livellu chi inghitzat gióbia su 2 de Meseladàmini 2025, chi si fait in Comunu in s’aposentu de su Consillu. Podint partitzipai fintzas is chi non funt residentis in su Comunu de Gùspini ma su cursu no inghitzat si non si sodigat su númeru mínimu de 15 iscritus. Po si iscriri ddoi at tempus fintzas a su 30 de Cabudanni 2025.

Su Cursu est a indonu, ca ddu finàntziat sa Regione Autònoma de Sardigna cunforma a sa L. 482/99 e a sa L.R. 22/2028.

Po si iscriri tocat a cumpilai su mollu chi s'agatat in basciu e ddu mandai a: carla.asunis@gmail.com 

Is letzionis de su cursu ddas fait Dot.ra Carla Asunis.

Su cursu est de 30 oras pratzias in 10 letzionis de 3 oras donniuna segundu su calendariu chi sighit:

Meseladàmini 2025: 2, 9, 16, 23, 30 h. 15:30 – 18:30

Donniasantu 2025: 6, 13, 18, 20, 27, h. 15:30 – 18:30